Qyzylordalyq Eldos Ermahanov 3 dúrkin Azııa chempıony atandy
QYZYLORDA.QazAqparat - Manılla (Fılıppın) qalasynda paýerlıftıngten ótken Azııa chempıonatynda qyzylordalyq Eldos Ermahanov altyn júldeni ıelenip, qazaq eliniń týyn kókte jelbiretip, ánuranyn shyrqatty, dep habarlaıdy QazAqparat tilshisi.
Ulttyq qurama sapynda el namysyn qorǵap júrgen Eldos 66 kelige deıingi salmaq dárejesinde 217,5 keli ziltemirdi kóterip, 3 dúrkin Azııa chempıony atandy. Sondaı-aq, ol klassıkalyq, jatyp kóterýden Azııa chempıonatynyń kúmis júldesin ıelendi.
Ol buǵan deıin 9 dúrkin Qazaqstan chempıony, 2015, 2016 jyldardaǵy 2 dúrkin Azııa chempıony, 2013 jylǵy jastar arasynda Álem chempıony, bıylǵy jyldyń eresekter arasyndaǵy Álem chempıonatynyń kúmis jáne qola júldegeri atanǵan, halyqaralyq dárejedegi sport sheberi.
Ony jarysqa Roman Kovalev pen Baqytbek Rysbaev daıyndady.
Eldos kelesi jyly Fınlıandııada ótetin Álem chempıonatyna qatysady.
