Qyzylordalyq dzıýdoshylar Qazaqstan chempıonatynda top jardy (FOTO)
QYZYLORDA. QazAqparat - Óskemende dzıýdodan 440 sportshy qatysqan Qazaqstan chempıonatynda qyzylordalyq dzıýdoshylar jalpy komandalyq esepte 1 - oryndy ıelendi. Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
Ekinshi orynda - Shyǵys Qazaqstan oblysy, Úshinshi orynda - Almaty qalasy. Syr óńiriniń jastary 2 altyn, 4 kúmis, 6 qola medal jeńip aldy.
Atap aıtsaq, jekeleı synda 60 keli salmaqta Jaqsybek Jeńisbek (JSShM), 66 kelide Marat Janqoja jáne (№1 ORMBJM) el chempıondary atandy.
44 kelide Adııa Saıyn (№1ORMBJM), 48 kelide Saltanat Sultanbekova (sport ınternat), 63 kelide Gúlderaıym Almaǵanbet, +78 kelide Nurǵanym Turshabek (ekeýi de №1ORMBJM) kúmis júldeni ıelense, 44 kelide Malıka Alpysbaı (№1ORMBJM), 52 kelide Dıana Tleýmuratova (Qarmaqshy aýdany), 55 kelide Dıdar Táttibaı (JSShM), 63 kelide Symbat Tóren (sport ınternat), 73 kelide Nursultan Isa (JSShM), 78 kelide Láılá Arystanbek (№1ORMBJM) qola júldeni enshiledi.
