Qyzylordalyq dıqandar Eńbek Eri Sálıma Jumabekovaǵa kólik mingizdi

QYZYLORDA. QazAqparat - Qyzylordalyq kásipkerler Sotsıalıstik Eńbek eri, Batyr ana Sálıma Jumabekovaǵa avtokóliktiń kiltin tabystady, dep habarlaıdy QazAqparat tilshisi.

Saltanatty sharaǵa oblys ákimi Qýanyshbek Ysqaqov qatysyp, kezinde eńbekte joǵary jetistikke jetken ardagerge jyly lebizin bildirdi.

Sálıma Jumabekova 1935 jyly Qarmaqshy aýdany, Aqjar aýylynda dúnıege kelgen. Eńbek jolyn 1953 jyly saýynshy bolyp bastaǵan. 1959-1986 jyldar aralyǵynda «Aqjar» keńsharynda ártúrli jumys istep, kúrish ósirýmen aınalysqan. 1974 jyly kúrish egisiniń ár gektarynan 84-118 tsentnerden ónim jınaǵan. 1980 jyly Sálıma Jumabekovaǵa Sotsıalıstik Eńbek Eri ataǵy berildi.

«Siz eńbektiń shyńyn baǵyndyryp eren eńbektiń úlgisin kórsettińiz. Syr óńiriniń maqtanyshyna aınalyp, ómir jáne eńbek jolyńyzdaǵy jeńisterińiz ben jetistikterińizdi búgingi urpaqqqa úlgi etip kelemiz. Alǵashqy tyń ıgerý kezeńinde respýblıkamyzdyń qoımasyna quıylǵan mıllıard put astyqqa Sizdiń de qosqan úlesińiz zor boldy», - dedi oblys ákimi.

Sálıma Jumabekova ózine jasalǵan qurmetke alǵysyn bildirip, aq batasyn berdi.