Qyzylordalyq Denıs Fadeev ulttyq biryńǵaı testileýde eń joǵary 125 ball aldy

Bir kezderi ata-analarynyń qalaýymen osy bilim ordasyna kelip túsken Denıs qazir orys, qazaq, túrik jáne aǵylshyn tilderin erkin meńgergen. Ol endi Nazarbaev Ýnıversıtetine baryp oqýdy qalaıdy.

Jalpy, sońǵy jyldary oblysta eń joǵary ball alǵandardyń barlyǵy derlik osy lıtseı shákirtteriniń arasynan shyǵyp júr. Sebebi, munda balalarǵa óte sapaly jáne jan-jaqty bilim beriletini aıdan- anyq jáıt. Máselen, bıylǵy jyly bul oqý ornyn 43 túlek bitirip otyrsa, ártúrli halyqaralyq olımpıadalardyń jeńimpazdary atanǵan 8 shákirt ulttyq biryńǵaı testileýden bosatylǵan. Olar endi elimizdegi kez kelgen joǵary oqý oryna túsip, oqýlaryn jalǵastyra alady.

Lıtseı dırektorynyń oqý isi jónindegi orynbasary Nursulý Qýantaevanyń aıtýynsha, ulttyq biryńǵaı testileýge qatysqan qalǵan 35 túlektiń ortasha baǵasy 116 ball bolypty. Alaıda 100 paıyzdyq bıiktikti baǵyndyrý deregi lıtseı tarıhynda birinshi ret kezdesip otyr. Sol sııaqty Denıspen qatar oqyǵan taǵy bir oqýshy - Erkebulan Ábenov odan bir ǵana upaı kem alyp, 124 ball jınaǵan. Lıtseıde bıyl 8 «Altyn belgi» ıegeri shyǵyp otyr. Taǵy 12 bala jańa úlgidegi attestat alý quqyǵyna ıe. Osynyń bári atalmysh oqý ornynyń oblys mektepteriniń kóp jyldardan bergi kóshbasshysy ekenin taǵy bir márte dáleldedi.