Qyzylordalyq dárigerler Japonııada bilimin jetildiredi
NUR-SULTAN. QazAqparat - Osy jyldan bastap qyzylordalyq kadrlar úshin Japonııada biliktiligin arttyrýǵa baǵyttalǵan granttar bólinedi, dep habarlaıdy oblystyq ákimdiktiń baspasóz qyzmeti.
Jyl saıyn jas dárigerler úshin rezıdentýrada oqýǵa oblys ákiminiń granty bólinýde, qazirgi tańda 47 rezıdent daıarlanýda. Aǵymdaǵy jyly 30 jalpy tájirıbelik dárigerdi oqytýǵa oblys ákiminiń arnaıy granty bólindi.
Sońǵy 3 jyl kóleminde 2018 jyly 399 jas maman densaýlyq saqtaý salasyna tartylyp, onyń 49% (194) bastapqy medıtsınalyq sanıtarlyq kómek uıymdaryna jiberildi. Osylaısha qazirgi tańda bastapqy medıtsınalyq sanıtarlyq kómek uıymdarynyń dárigerlermen qamtylý kórsetkishi 95% jáne dárigerlerdiń orta medıtsınalyq qyzmetkerlermen araqatynasy 1:3 deıin jetkizildi.
Mamandardy turaqtandyrý maqsatynda dárigerlerdiń ortasha jalaqysy 2017 jylmen salystyrǵanda 18 paıyzǵa kóterildi (2017j - 139,7myń teńge, jalpy tájirıbedegi dáriger - 124,4 myń teńge; 2018j -164,7 myń teńge, jalpy tájirıbedegi dáriger -127,2 myń teńge).
Áleýmettik qoldaý retinde 2018 jyly eldimekenderge joldanǵan 129 mamanǵa (68 dáriger, 61 meıirbıke) 454,8 mln. teńgege turǵyn úı nesıesi berilgen.
Taǵy bir aıta keterligi, dárigerler shet elde, sonyń ishinde Koreıa memleketimen tyǵyz yntymaqtastyqta tájirıbe almasýda. Ásirese, neonatologııa, balalar jáne eresekter hırýrgııasy, onkologııalyq kómek kórsetýde jańashyl ádister engizilýde.
Bıylǵy jyly mamandardy kótermeleý - yntalandyrý maqsatynda qoǵamdyq uıymdarmen birlese otyryp, shet elderde, sonyń ishinde Japonııa memleketinde bilimderin jetildirýge arnaıy grant bólinedi.
