Qyzylordalyq boksshy Rýstam Svaev Azııa chempıonatynda fınalǵa shyqty
QYZYLORDA. 12 tamyz. QazAqparat /Jańagúl Serdaly/ - Qazirgi kúnderi Ońtústik Koreıanyń Inchhon qalasynda ótip jatqan Azııa chempıonatyna Qazaqstan quramasy sapynda 69 kelige deıingi salmaqta qyzylordalyq Rýstam Svaev fınalǵa shyqty.
Bul mártebege ol keshe túnde ózbekstandyq Nodırbek Qosımovty shıelenisken shaıqas ústinde 38:34 esebimen jeńýimen qol jetkizdi.
Qurlyq birinshiliginde Rýstam buǵan deıin eki ret rıngke shyǵyp úlgerdi. Onyń birinshisinde, 1/8 fınalda onymen jekpe-jek ótkizýge tıisti Birikken Arab Emıratynyń ókili Naser Aldhafırı sharshy alańǵa shyqpaı qalyp, jerlesimizge jeńis jazyldy. Kelesi kezdesýin shırek fınalda ındııalyq Mandıp Jangramen ótkizgen Rýstam 21:13 esebimen utty.
Bir aıta keterligi, Qazaqstan quramasynyń 5 boksshysy jartylaı fınalǵa shyqqan bolsa, olardyń 4-ýi aqtyq aıqasta altyn medaldyń taǵdyry úshin kúresetin boldy. Bul qatarda Rýstamnan bólek, Іlııas Súleımenov (52 kg), Aıdar Ámirzaqov (60 kg) jáne Dosjan Ospanov (+91 kg) syndy boksshylar bar. Al keshe jartylaı fınalda qytaılyq Men Fenlongke bir upaı aıyrmashylyǵymen ǵana jol berip qoıǵan Arman Rysbek (81 kg) qola medaldyń ıegeri atandy.
Al fınaldyq aıqas búgin ótedi.
