Qyzylordalyq balyqshy kólde qaıyǵy aýdarylyp, mert boldy

QYZYLORDA. QazAqparat - Qyzylorda oblysynda balyq aýlaý kezinde aǵash qaıyǵy kólde aýdarylǵan 61 jastaǵy turǵyn qaza boldy, dep habarlaıdy QazAqparat tilshisi.

Oqıǵa 24 naýryzda Qarmaqshy aýdanynda boldy. Kólge balyq aýlaýǵa barǵan 1962 jyly týǵan azamattyń qaıyǵy aýdarylyp, sýǵa batyp ketken.

«Bul jóninde Qyzylorda oblysy Tótenshe jaǵdaılar departamenti Daǵdarys jaǵdaıynda basqarý basqarmasyna habarlama tústi. Onda Qýańdarııa aýylyndaǵy Jetikól kólinde balyq aýlaý kezinde aǵash qaıyǵy aýdarylyp, oqıǵa saldarynan 1962 jyly týǵan azamattyń sýǵa batyp ketkeni aıtylǵan. Marqumnyń denesin jergilikti turǵyndar óz kúshimen sýdan shyǵaryp alǵan. Oqıǵa ornynda Tótenshe jaǵdaılar departamenti, aýdandyq polıtsııa bóliminiń mamandary tıisti jumystar jasady», - dedi oblystyq Tótenshe jaǵdaılar departamenti baspasóz qyzmetiniń jetekshisi Aıgúl Nurmanova.