Qyzylordalyq balýan halyqaralyq týrnırde qola medal jeńip aldy

QYZYLORDA. QazAqparat - Belarýs astanasy - Mınsk qalasynda sambodan halyqaralyq týrnır ótti. Atalmysh týrnırde Belarýs Prezıdentiniń júldesi sarapqa salyndy, dep habarlaıdy QazAqparat tilshisi.

Halyqaralyq dodada el quramasy sapynda baq synaǵan qyzylordalyq balýan Ǵalymjan Ábdirahmanov qola júldeger atandy. Syr sańlaǵy 74 keli salmaqta synǵa tústi.

Balýan 1993 jyly 20 jeltoqsanda Qyzylorda oblysy Qarmaqshy aýdanynda dúnıege kelgen. Ol sambomen qatar qazaq kúresi jáne dzıýdomen aınalysady. Jastar arasynda sambo men qazaq kúresinen el chempıony ataǵyn jeńip alǵan. Ǵalymjan Ábdirahmanov Qyzylorda oblystyq joǵary sport sheberligi mektebinde tálim alady.

Budan buryn qyzylordalyq jeńil atletter álem chempıonatyna baratynyn habarlaǵan edik.