Qyzylordalyq azamattan 41 túp sora ósimdigi tárkilendi

QYZYLORDA. QazAqparat - «Qarasora - 2023» jedel-profılaktıkalyq is-sharasy aıasynda Qarmaqshy aýdanynda óz úıiniń aýlasynda sora ósimdigin ósirgen Josaly kentiniń turǵyny ustaldy, dep habarlaıdy QazAqparat.

«Úı aýlasynan 41 túp sora ósimdigi, 2 lıtr bankige salynǵan ózine tán erekshe ıisi bar shóp jáne plastmas qorabyna salynǵan keptirilgen sora ósimdigine uqsas japyraqtary zattaı dáleldeme retinde alyndy.

Saraptamanyń qorytyndysyna sáıkes, jalpy salmaǵy 33 kg 747 gr sora ósimdigine jatatyndyǵyn bekitken», - dep málimdedi ІІM-nen.

Kúdikti azamat ÝUI-ǵa qamaldy. QR QK-niń 300-babynyń 2-bóligimen sotqa deıingi tergep-tekserý áreketteri júrgizilýde.