Qyzylordalyq azamat esirtki zatyn saqtap, ósirdi degen kúdikke ilindi

QYZYLORDA. QazAqparat - Qyzylordalyq azamat esirtki zatyn saqtap, ósirdi degen kúdikke ilindi, dep habarlaıdy QazAqparat ІІM-ne silteme jasap.

Qyzylorda oblysy PD Esirtki qylmysyna qarsy is-qımyl basqarmasy men Ulttyq ulannyń «Búrkit» AJ qyzmetkerlerimen birlesip júrgizgen jedel-izdestirý is-sharalary nátıjesinde 27 naýryz kúni turǵylyqty meken-jaıynda asa iri kólemde esirtki zatyn saqtaýǵa jáne ósirýge kúdiktelgen 54 jastaǵy qala turǵyny anyqtaldy.

«Úı ıesiniń aýlasyn tintý kezinde qarasora butalary arnaıy ósirilgen jylyjaı tabyldy.

Arnaıy ydystarda ósirilgen 37 túp sora ósimdigi jáne 1,5 keliden asa keptirilgen marıhýana tárkilendi», - dedi Qyzylorda oblysy PD bastyǵynyń orynbasary Іlııas Jumaǵulov.

Atalǵan derek eki bap boıynsha: QR QK 296-babynyń 4-bóligi jáne 300-babynyń 2-bóligimen sotqa deıingi tergep-tekserý áreketteri júrgizilip jatyr.

Kúdikti qamaýǵa alyndy.