Qyzylordalyq ardagerler ózbek jerindegi tarıhı oryndardy aralady
Bul ıgi shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda Qazaqstannyń Ózbekstandaǵy jylyna oraı uıymdastyryldy.
Syr óńiriniń aǵa býyn ókilderi aldymen Ózbekstan astanasy - Tashkent qalasynda oryn tepken qazaq halqynyń tuǵyrly tulǵasy - Tóle bı kesenesine aıaldady. Osydan úsh ǵasyrdan astam ýaqyt buryn boı kótergen kesene búginde kópshilik jıi keletin qasıetti oryndardyń birine aınaldy. Eskertkish Tashkent qalasyndaǵy kóne orynnyń qatarynda sanalady.
Kelesi kezekte qyzylordalyq ardagerler Ámir Temir mavzoleıine bardy. Sondaı-aq, Regıstan alańy jáne ózge de kóne eskertkishterdi tamashalady.
Syr topyraǵynda dúnıege kelip, ózbek jerinde ómirden ótken dańqty qolbasshy Jalańtós bahadúr Samarqand qalasynyń irgesindegi Daǵbet eldi mekeninde Maǵdým-ı Aǵzam beıitiniń janyna jerlengen. Ardagerler dańqty qolbasshyǵa arnap salynǵan eskertkishke bardy. Odan keıin Nurata aýdanynda oryn tepken Áıteke bıdiń ekesenesinde de boldy.
