Qyzylordalyq ardagerler Arystan bab kesenesinde zııarat etip qaıtty
QYZYLORDA. 10 shilde. QazAqparat - Qyzylorda qalasynyń ákimdigi Qasıetti Ramazan aıynyń bastalýyna baılanysty oblys ortalyǵynda turatyn 30 ardagerdiń Ońtústik Qazaqstan oblysy aýmaǵyndaǵy Arystan bab kesenesinde zııarat etip qaıtýlaryna múmkindik jasady. Bul týraly qala ákimdiginiń baspasóz hatshysy Baldyrǵan Mámen habarlady.
«Qasıetti Ramazan aıy aıasynda Qyzylorda qalalyq ákimdigi 30 tyl jáne eńbek ardagerine Arystan bab kesenesine zııarat etý múmkindigin jasady», - delingen habarlamada.
«Musylmandardyń kıeli jerleriniń biri Arystan bab kesenesi - Alash jurtynyń zııarat etetin qasıetti mekeni. Rýhanı sapar barysynda ardagerler kesene janyndaǵy emdeý qasıeti bar qudyqtan sý iship, Arystan bab babanyń tarıhymen tanysty. Munymen qosa, ardagerler Qoja Ahmet Iassaýıdiń kesenesinde de boldy», - dedi budan ári Baldyrǵan Mámen.
Baspasóz hatshysynyń aıtýynsha, sapar barysynda qarııalar densaýlyǵyn baqylaýda ustaıtyn jáne arnaıy qyzmet kórsetetin dáriger mamandarmen qamtamasyz etilgen. Sondaı-aq, Ramazan aıynyń alǵashqy kúninde qala ákimi «Aıtbaı» meshitinde oraza ustaýshy qalalyqtarǵa arnap, aýyzashar sharasyn ótkizgen. Oǵan 120-dan astam oraza ustaýshy azamattar qatysqan.
«Aıta ketý kerek, qala ákimdigi osy «Aıtbaı» meshitinde 30 kún boıy aýyz ashar rásimin uıymdastyratyn bolady», - dedi baspasóz qyzmetkeri.
