Qyzylordalyq aqshany baspahanadan basyp shyǵarǵan
QYZYLORDA. QazAqparat - Qyzylorda qalasyndaǵy jarnama agenttiginiń qojaıyny óziniń baspahanasynda jalǵan aqsha jasaǵan, dep habarlaıdy QazAqparat tilshisi.
Byltyr Qyzylorda oblysy boıynsha Memlekettik kirister departamenti ekonomıkalyq tergeý qyzmetiniń jedel izdestirý sharalary negizinde Qyzylordada jalǵan aqsha banknottaryn jasap shyǵarǵan jasyryn tseh anyqtalǵan edi.
Jarnama agenttiginiń ıesi jasalǵan jalǵan aqshany býkmekerlik keńsede kúzetshi bolyp júrgen Ózbekstan azamaty arqyly ótkizýge ýaǵdalasqan. Memlekettik kirister departamenti ekonomıkalyq tergeý qyzmeti olardy qylmys ústinde ustady. Sol sátte olar bir-birine 5000 teńgelik banknottyń 132 dana qoldan jasalǵan nusqasyn ótkizbek bolǵan.
«Jalǵan aqsha jasaý jáne ony ótkizý týraly aldyn ala kelisken olardyń qylmystyq áreketi tolyq dáleldendi. Olardyń ekeýi de Qazaqstan Respýblıkasy Qylmystyq kodeksiniń 231-baby 2-bóliginiń 1-tarmaǵymen kináli dep tanyldy. Olarǵa 5 jyl merzimge bas bostandyǵynan aıyrý jazasy taǵaıyndaldy. Jazalaryn qylmystyq atqarý júıesiniń ortasha qaýipsiz mekemesinde óteıdi», - dedi Qyzylorda oblysy boıynsha memlekettik kirister departamenti ekonomıkalyq tergeý qyzmetiniń basqarma basshysy Ardaq Bıǵalıev.
Atalmysh qylmystyq is Qyzylorda qalasynyń №2 sotynda qaralǵan.
