Qyzylordalyq 25 jigit «Syr serisi» ataný úshin tórt aı boıy synǵa tústi
QYZYLORDA. QazAqparat- Qyzylorda oblysynda «Syr serisi» ataǵyn ıelený úshin er azamattar arasynda ótken saıys márege jetti, dep habarlady «QazAqparat» HAA tilshisi.
Baıqaý barysynda er azamattar ulttyq oıyndar men zamanaýı sport túrlerinen saıysqa tústi. Tórt aı boıy 25 jigit «Syr serisi» ataný úshin talaı synnan ótip, olardyń ishinen oq boıy ozyq kóringen 8-i sýyrylyp alǵa shyqty.
Nátıjesinde, ІІІ oryndy - Narbota Seráli, ІІ oryndy - Farhat Ábjapparov jáne І oryndy Ádil Ámirbekov ıelendi.
Ad júzden júırik, myńnan tulpar shyqqan Erjan Shaıraq «Syr serisi» atanyp, aýyzdyqpen alysqan arǵymaqty qanjyǵasyna baılady. Sondaı-aq oǵan B.Momyshuly atyndaǵy «Batyr shapaǵaty» medali tabystaldy. Sonymen qatar, úzdik dep tanylǵan seriler «Qaısar jigit», «Symbatty jigit», «Epti jigit», «Kórermen kózaıymy» nomınatsııalary boıynsha atap ótildi.
Jeńimpazdar N. Bekejanov atyndaǵy drama teatrynda marapattaldy.
Aıta keteıik, ulttyq qundylyqtardy dáripteýdi maqsat etken jobany «Qazaqstan-Qyzylorda» telearnasy men «Jastar resýrstyq ortalyǵy» uıymdastyrdy. Joba kelesi jyly óz jalǵasyn tappaq.
