Qyzylordaǵa Teńiz ken ornynan 169 jumysshy oraldy
Esterińizge sala ketelik, «Teńizshevroıl» kompanııasy aýrý oshaǵy dep tanylǵan vahtalyq qalashyqtan qyzmetkerlerdi qaıtarý týraly sheshim qabyldaǵan.
«Atyraý-Qyzylorda» baǵyty boıynsha jumysshylar mingen ushaq «Qorqyt ata» áýejaıyna kelip qondy. Jolaýshylar arasynda Qyzylorda, Baıqońyr qalalary men barlyq aýdan turǵyndary bar.
Oblystyq jumyldyrý daıyndyǵy basqarmasynyń habarlamasy boıynsha jumysshylardan KVI-ge test synamalary alyndy. Nátıjeleri taza bolyp shyqsa, úı jaǵdaıynda baqylanady.
Buǵan deıin aımaqqa 168 jumysshy jetkizilgen bolatyn. Sáýirdiń aıaǵyna deıin Atyraýdan taǵy birneshe reıstiń kelýi kútilip otyr.
Qazirge deıin Qyzylorda oblysynda koronavırýs ınfektsııasy dıagnozy 177 adamǵa qoıyldy . Onyń ishinde 80 adam aýrýynan aıyqty.