Qyzylordaǵa sońǵy aptada 200 ottegi kontsentratory jetkizildi
«Oblysta epıdemıologııalyq ahýal kúrdelengen kezde kıslorodty ballondardy, jasandy ókpe jeldetkish apparaty, ottegi kontsentratoryn paıdalaný sany kúrt artqan bolatyn. Al búgingi tańda oǵan qajettilik azaıyp otyr. Kúni keshe «Shuǵyla» qaıyrymdylyq qory esebinen 200 ottegi kontsentratory aımaǵymyzǵa jetkizildi. Atalǵan qural-jabdyqtar medıtsınalyq mekemelerge taratyldy. Atalǵan qurylǵynyń sany 353 jabdyqty qurady», - dep málim etti oblystyq densaýlyq saqtaý basqarmasynyń basshysy Sabıt Pazılov.
Onyń aıtýynsha, oblysta naýqastarǵa arnalǵan 2 405 oryn bar. Onyń 645-i ınfektsııalyq tósek oryn bolsa, 1 760-y provızorlyq.
«Búgingi kúni ınfektsııalyq statsıonarda 263 naýqas, provızorlyq statsıonarda 573 azamat em alýda. Júkteme ınfektsııalyq statsıonarda 41 paıyzdy qurasa, provızorlyq statsıonarda 33 paıyz. Sondaı-aq, provızorlyq tósekterge suranystyń azaıýyna baılanysty Temirjol aýrýhanasyndaǵy 40 tósek pen teri-venerologııalyq dıspanserindegi 60 tósek oryn óziniń jumysyn toqtatty. Tamyz aıynyń basynan bastap josparly túrde aýrýhanalarǵa jatý jumystary da kezeń-kezeńimen iske asyrylady», - dedi basqarma basshysy.