Qyzylordaǵa sáýir aıynda qazaqstandyq vaktsına jetkiziledi
QYZYLORDA. QazAqparat - Qyzylorda oblysyna sáýir aıynyń sońyna taman «QazCovid-in» vaktsınasy jetkiziledi, dep habarlaıdy QazAqparat tilshisi.
Búgingi kúnge deıin óńirde 10 659 adam koronavırýs ınfektsııasyna qarsy ekpe saldyrdy. Jaqyn kúnderi taǵy da «Spýtnık V» vaktsınasynyń bes myń dozasy jetkiziledi. Sondaı-aq, aımaqqa sáýir aıynyń aıaǵynda «QazCovid-in» vaktsınasy ákelinedi.
«Jalpy, shilde aıyna deıin 80 myń adamǵa ekpe salýdy josparlap otyrmyz. Epıdemııany túbegeıli jeńýdiń joly - vaktsına saldyrý. Árıne, ol erikti túrde júrgiziledi. Negizinde ujymdyq ımmýnıtet qalyptastyrýymyz kerek. Sol sebepti barsha halyqty koronavırýs ınfektsııasynan qorǵaný úshin saqtyq sharalaryn saqtaýǵa, ekpe saldyrýǵa shaqyramyn», - dedi oblystyq densaýlyq saqtaý basqarmasynyń basshysy Sábıt Pazılov.
Qazirgi tańda 9 PTR apparaty jumys isteıdi. Táýligine 1000-1100 aralyǵynda synama alynýda. Qajettilik týyndaǵan jaǵdaıda zertteý sanyn 1900-ge deıin jetkizýge múmkindik bar.
Esterińizge sala ketelik, búgingi kúnge deıin Qyzylordada 10659 adam koronavırýs ınfektsııasyna qarsy vaktsına saldyrdy.
