Qyzylordaǵa ókpeni jasandy jeldetý apparatyn ákelý úshin halyqaralyq kompanııalarmen kelisim jasaldy

QYZYLORDA. QazAqparat - Qyzylordaǵa ókpeni jasandy jeldetý apparatyn ákelý úshin halyqaralyq kompanııalarmen yntymaqtastyq ornady, dep habarlaıdy QazAqparat.

Qyzylorda oblysynda aımaq basshysy Gúlshara Ábdiqalyqovanyń tapsyrmasymen óńirdi qajetti medıtsınalyq quraldarmen qamtamasyz etý úshin belsendi jumys júrgizilip jatyr. Respýblıkalyq bıýdjet esebinen ókpeni jasandy jeldetýge arnalǵan 68 apparatqa qosymsha tapsyrys berildi.

Sonymen birge, jaqyn kúnderi demeýshilik kómek retinde Túrkııa memleketinen 10 ÓJJ apparaty aýrýhanalarǵa jetkiziletin bolsa, «Roskosmos» memlekettik korporatsııasy tarapynan Baıqońyr qalasyndaǵy aýrýhanaǵa 1 apparat ákelinetin boldy.

Oblys aýrýhanalarynda búgin jumys istep turǵan ókpeni jasandy jeldetý apparattarynyń sany - 64. Onyń 29-y — qalada, 25 apparat - aýdandyq aýrýhanalarda ornalasqan.