Qyzylordaǵa koronavırýsqa qarsy «QazVac» ekpesi jetkizildi
Oblysqa 36200 vaktsına keldi. Onyń 34200-i «Spýtnık V» vaktsınasy bolsa, 2000-y qazaqstandyq «QazVac» ekpesi. «Spýtnık V» barlyq aýdandarǵa bólinse, «QazVac» boıynsha ekpe salý ázirge qalada júrgizilýde.
«Aıta keterligi, «QazVac» vaktsınasy eki dozaly vaktsına jáne bir ampýla bir adamǵa arnalǵan. Sonymen qatar, otandyq vaktsına muzdatýdy qajet etpeıdi, ıaǵnı, ekpe plıýs 2-den 8 gradýsqa deıingi temperatýrada saqtalady. Aıta keteıik, qazirgi tańda elimiz vaktsınalar óndirisin iske qosqan jáne vaktsınalardy shyǵarýdyń tolyq tsıklin ázirleýden bastap qoldanýǵa deıin óz betinshe ıgergen álemniń 10 eliniń qataryna endi. Aıta keteıik, búginde ınfektsııalyq jáne provızorlyq statsıonarlarda tósek-oryn, dári-dármek, ottegi, kontsentrator sekildi qajetti qural-jabdyqtardyń barlyǵy jetkilikti. Oblys boıynsha qazir ınfektsııalyq statsıonarda 374 naýqas, reanımatsııalyq bólimde 44, onyń 28-i qalada, 16-sy aýdandarda em qabyldaýda», - dedi oblystyq densaýlyq saqtaý basqarmasynyń basshysy Sábıt Pazılov.
Egý jumystary qazir №1, 3, 4, 5, 6 jáne «Senim» emhanalarynda, oblystyq keńes berý dıagnostıkalyq ortalyǵynda, «Intertıch» klınıkasynda, Qyzylorda TJ, «ASA» JShS, barlyq aýdanda jáne Baıqońyr qalasynda júrgizilýde.
Oblys boıynsha barlyǵy 32 egý kabıneti, 23 jyljymaly top brıgadasy uıymdastyryldy. Jalpy, vaktsınatsııalaý jumystary halyqqa qoljetimdi bolýy maqsatynda qosymsha teatr, bazarlar men saýda ortalyqtarynda júrgiziledi.
Qyzylorda qalasy «qyzyl» aımaqqa engizildi.
