Qyzylordaǵa Atyraýdan vahtalyq jumystan kelgen 3 adam koronavırýs juqtyrǵan

QYZYLORDA. QazAqparat - Qyzylorda oblysynda Atyraýda vahtalyq ádispen jumys istep kelgen 3 azamatqa koronavırýs ınfektsııasy dıagnozy qoıyldy, dep habarlaıdy QazAqparat tilshisi.

Qazirgi tańda oblysta koronavırýs ınfektsııasyn juqtyrǵan 204 adam bar.

Onyń ishinde 118 adam syrqatynan tolyq aıyǵyp shyqty.

«Atyraýdan keshe vahtalyq ádispen jumys isteıtin 170 adam kelgen bolatyn. Olardyń úsheýinen koronavırýs ınfektsııasy anyqtaldy. Sondaı-aq, sońǵy táýlikte kópbeıindi qalalyq aýrýhananyń 3 qyzmetkeri de qaterli indetti juqtyryp aldy. Olardyń vırýsty juqtyrǵany skrınıngtik tekserý barysynda belgili boldy. Qazirgi tańda naýqastardyń jaǵdaıy birqalypty, emderin alyp jatyr», – dedi Jaqsylyq Ábilqasymuly.

Sondaı-aq, koronavırýs ınfektsııasyn juqtyrǵandarmen baılanysta bolǵan 2966 azamat anyqtaldy. Onyń ishinde, 1577-i jaqyn qarym-qatynasta, 1389-y janama baılanysta bolǵan.