Qyzylordaǵa Atyraýdan kelgen 13 adamǵa koronavırýs dıagnozy qoıyldy

QYZYLORDA. QazAqparat - Qyzylordada Atyraýdan kelgen 13 adamǵa koronavırýs ınfektsııasy dıagnozy qoıyldy, dep habarlaıdy QazAqparat tilshisi.

Qazir oblysta indet juqtyrǵandar 245 adam bar . Olardyń 188-i syrqatynan emdelip shyqty.

«Sońǵy táýlikte koronavırýs ınfektsııasy dıagnozy qoıylǵan 13 adam anyqtaldy. Onyń 2-ýi Qyzylorda qalasynan bolsa, 2-ýi Aral, 2-ýi Qazaly, 2-ýi Qarmaqshy, 2-i Shıeli, 3-ýi Jańaqorǵan aýdandarynan.

Olardyń barlyǵy Atyraý oblysynda munaı-gaz salasynda jumys isteıtin oblysymyzdyń turǵyndary. Búgingi tańda barlyǵynyń jaǵdaıy birqalypty»,- dedi oblys ákiminiń orynbasary Naýryzbaı Baıqadamov.