Qyzylordadan Túrkııaǵa tikeleı áýe reısi ashylmaq

QYZYLORDA. QazAqparat - Qyzylordadan Túrkııanyń Antalııa qalasyna halyqaralyq áýe reısi ashylmaq. Charterlik reıs bıylǵy maýsym aıynan bastap júrgiziledi, dep QazAqparat tilshisi.

Qyzylorda oblystyq Jolaýshylar kóligi jáne avtomobıl joldary basqarmasynyń habarlaýynsha, bul qyzmetti «B&K Aero» avıakompanııasy Boeing 737 áýe kemesi arqyly atqaratyn bolady. Ol aptasyna bir márte qatynaıdy. Áýe kóligi eki aralyqta 4 saǵat 40 mınýttaı ushady.

Budan buryn Qyzylorda turǵyndary Túrkııaǵa tikeleı qatynaı almaıtyn. Jolaýshylar Astana, Almaty qalalary arqyly ushýǵa májbúr edi.

Keıingi jyldary Qyzylordadan birqatar halyqaralyq áýe reısteri ashylda bastady. 2018 jyldyń shilde aıynda Qyzylordadan Reseı astanasy - Máskeýge qatynaıtyn halyqaralyq reıs óz jumysyn bastady.