Qyzylordadan Tashkentke avtobýs qatynaıtyn boldy
QYZYLODA. QazAqparat - Aldaǵy ýaqytta Qyzylorda qalasynan «Qyzylorda-Tashkent» baǵyty boıynsha avtobýstar jolaýshylardy tasymaldaıtyn bolady, dep habarlaıdy QazAqparat tilshisi oblystyq jolaýshylar kóligi jáne avtokólik joldary basqarmasyna silteme jasap.
«Búginde QR Investıtsııalar jáne damý mınıstrliginiń Kólik komıteti atalǵan baǵyttaǵy marshrýtty taıaý ýaqytta ashýdy kózdep otyr. Uıymdastyrý máselelerin sheshýge shamasymen 3 aı ýaqyt qajet, odan keıin jańa reıs jolaýshylarǵa qyzmet kórsete bastaıdy», - dep málimdedi oblystyq jolaýshylar kóligi jáne avtokólik joldary basqarmasy basshysy Erjan Ábdihalyqov.
Qazir Qyzylordadan elimizdiń Astana, Almaty, Shymkent sekildi iri qalalaryna avtobýstar qatynaıdy. Al halyqaralyq baǵytta alǵash ret avtobýs júrgiziletin boldy.
Ádilet QAŃTARBAEV
Foto: 10minut.info
