Qyzylordadan Reseıge ketip bara jatqan júk kóligi tolyq órtenip ketti
QYZYLORDA. QazAqparat - Qyzylorda oblysynda Almatydan Reseı astanasy - Máskeý qalasyna bet alǵan júk kóligine tıelgen zattar tolyqtaı órnetip ketti, dep habarlaıdy QazAqparat tilshisi.
Oqıǵa «Samara-Shymkent» avtojolynyń 1698 shaqyrymynda boldy. Bul Qarmaqshy aýdany, Aqjar aýyly men Jalaǵash aýdany, Tań aýylyn aralyǵyn qamtıdy.
«Atalǵan aýmaqta DAF markaly júk kóliginiń tirkemesine tıelgen kıim-keshek sekildi zattar janyp ketti. Oqıǵa ornyna Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen 5 qyzmetker 1 avtokólikpen jetip, kólik tirkemesi tolyq sóndirildi. Qaza bolǵandar men zardap shekkender joq», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen.
Esterińizge sala ketelik, budan buryn Qyzylordada ıesiz turǵan «Mercedes» avtokóligi túgi qalmaı órtenip ketti.
