Qyzylordadan Oralǵa esirtki tasymaldaǵandar uzaq merzimge sottaldy
ORAL. QazAqparat - BQO qylmystyq ister jónindegi mamandandyrylǵan aýdanaralyq sotynyń úkimimen esirtki tasymaldaǵan qos turǵyn uzaq merzimge sottaldy, dep habarlaıdy «QazAqparat» tilshisi.
Sot tóraǵasy Qaırat Shalqarovtyń aıtýynsha, sot talqysynda belgili bolǵanyndaı, Aıbek Syzdyq shamamen bıylǵy qyrkúıek aıynda Syrdarııa ózeniniń jaǵasynan qarasorany jınap alyp, úıine ákelip, keptirip, jeti qorapqa salǵan. Sodan keıin Qyzylorda qalasynda óziniń tanysy Jomart Qaldyjigitke jolyǵyp, onymen iri kólemde esirtki tasymaldaý jóninde sóz baılasqan. Esirtkini óz avtokóligimen jetkizý úshin J.Qaldyjigit A.Syzdyqtan 250 myń teńgeni aldyn ala alǵan. 7 qazan kúni ekeýi «Toıota Lend Krýzer-100» kóligimen qala syrtyna shyǵyp, A.Syzdyq esirtkini avtomobılge jasyrǵan. Sosyn Qyzylordaǵa qaıtyp oralyp, saparlas retinde D.Qaıýpovty alyp, Oralǵa jol tartqan. 8 qazan kúni keshkisin Samara-Shymkent joly boıynda, BQO-nyń Syrym aýdany aýmaǵynda avtokólikti jol polıtsııasy qyzmetkerleri toqtatyp, teksergen kezde 6982,15 gramm (7 kg jýyq) keptirilgen marıhýana tabylǵan.
Sot úkimimen A.Syzdyq QR QK 297-baby 3-bóligi 1, 3-tarmaǵymen aıypty dep tanylyp, oǵan múlkin tárkileýmen birge 11 jyl bas bostandyǵynan aıyrý jazasy kesildi. Sonymen qatar QK 60-baby 1-bóligi negizinde ótelmegen jazasy qosylyp, túpkilikti 11 jyl 6 aı merzim belgilendi. J.Qaldyjigit te QR QK 297-baby 3-bóligi 1, 3-tarmaǵy negizinde múlkin tárkileýmen birge 10 jylǵa sottaldy.
QR QK 14-baby 2-bóligi 2-tarmaǵyna sáıkes A.Syzdyq pen J.Qaldyjigittiń qylmysy qaýipti ekendigi eskerilip, olarǵa jazany qaýipsizdigi tótenshe qylmystyq-atqarý júıesi mekemesinde óteý belgilendi
Sot úkimi zańdy kúshine engen joq.
