Qyzylordadan Qaraǵandy oblysy shekarasyna deıin kólik qozǵalysyna shekteý qoıyldy

QYZYLORDA. QazAqparat - Aýa raıynyń qolaısyz bolýyna baılanysty Qaraǵandy oblysynyń shekarasynan bastap Qyzylorda qalasyna deıin barlyq kólik qozǵalysyna shekteý qoıyldy, dep habarlaıdy QazAqparat tilshisi.

Bul jóninde Qyzylorda oblystyq tótenshe jaǵdaılar departamenti málim etti.

«Qaraǵandy oblysynda aýa raıynyń nasharlaýy baıqalyp otyr. Atalǵan aýmaqta daýyl, qalyń qar, kórý múmkindigi shektelgen. Osyǵan baılanysty respýblıkalyq mańyzy bar «Qyzylorda-Pavlodar-Ýspenka» avtomobıl jolynyń 12-216 shaqyrym aralyǵyna barlyq kóliktiń qozǵalysyna shekteý qoıylǵan. Ol Qaraǵandy oblysynyń shekarasynan bastap Qyzylorda qalasyna deıinge aralyqty qamtıdy», - dep málim etti Qyzylorda oblystyq tótenshe jaǵdaılar departamentinen.

Osy oraıda Qyzylorda oblystyq polıtsııa departamenti atalǵan shekteý jalǵasyp jatqanyn habarlady. Jolaýshylarǵa saqtyq sharalaryna nazar aýdarýyn suraıdy.