Qyzylordadan Almatyǵa sekseýildi zańsyz tasyǵandar ustaldy
Qyzylorda oblystyq tabıǵat qorǵaý prokýratýrasynyń mamandary «Batys Qytaı - Batys Eýropa» tas joly boıynda «DAF» markaly júk kóligin toqtatty. Tirkemeni qaraý barysynda kesý jáne tasymaldaý ruqsatynsyz salmaǵy 22 tonnany quraıtyn sekseýil aǵashy tıelgeni anyqtalǵan. Ony jasyrý úshin tirkeminiń aýyzǵy bóligine qoraptardy jınap tastaǵan.
«Júrgizýshiniń bergen málimeti boıynsha, sekseýil aǵashyn buǵan deıin de Qyzylorda qalasynan Almaty qalasyna tasymaldaǵan. Sekseýildi ruqsatsyz kesýden memleketke eleýli shyǵyn keldi. Atalǵan derek Qyzylorda oblysynyń Tabıǵat qorǵaý prokýratýrasynyń Aqparatty esepke alý kitabyna tirkeldi. Tergeý rettiligi boıynsha Qyzylorda qalalyq Polıtsııa basqarmasyna joldandy. Qazirgi tańda polıtsııa QR Qylmystyq kodeksiniń 340-babynyń 1-bóligimen sotqa deıingi tergep-tekserý isin júrgizýde», - dep málim etti Qyzylorda oblysynyń tabıǵatty qorǵaý prokýratýrasynan.