Qyzylordadan 800 bas qozy Iranǵa jóneltiledi
QYZYLORDA. QazAqparat - Qyzylorda ákimshiligi bıyl 10-15 myń bas tirideı qozy jáne iri qara maldy eksportqa shyǵarmaq. Bul týraly Óńirlik kommýnıkatsııalar qyzmetinde Aýyl sharýashylyǵy basqarmasynyń basshysy Pirmuhammed Syzdyqov aıtty, dep habarlaıdy QazAqparat tilshisi.
«Oblys aýmaǵynan tiri qoılardy eksporttaý úshin barlyq máseleler óz sheshimin tapty. Búginde Iran memleketinen keletin ushaqty kútýdemiz. Osy maqsatta Jańaqorǵan aýdanyndaǵy «Nurbolat» sharýa qojalyǵynan alǵashqy 800 bas qozy satyp alyndy», - dedi P. Syzdyqov.
Aldaǵy ýaqytta oblystan qoı malynan bólek múıizdi iri qara malyn da eksporttaý josparlanýda.
