Qyzylordadaǵy jol apatynan taǵy eki adam kóz jumdy
QYZYLORDA. QazAqparat - Qyzylorda oblysyndaǵy jol apaty saldarynan qaıtys bolǵandar sany bes adamǵa jetti, dep habarlaıdy QazAqparat tilshisi.
Budan buryn habarlaǵanymyzdaı, oqıǵa búgin, 13 qańtarda saǵat 14.20 shamasynda «Qyzylorda-Qumkól» avtojolynyń 69 shaqyrymynda boldy. Sol aýmaqta «Mersedes Bents Sprınter» jáne «Toıota Haılıýks» avtokólikteri soqtyǵysqan.
Jol-kólik oqıǵasy saldarynan eki avtokóliktiń júrgizýshisi, bir jolaýshy oqıǵa ornynda kóz jumǵan.
Al eki jolaýshy medıtsınalyq mekemede qaıtys boldy. Qalǵan 5 jolaýshyǵa medıtsınalyq kómek kórsetildi.
«Oqıǵa ornynda polıtsııa qyzmetkerleri, tótenshe jaǵdaı jáne medıtsına qyzmetkerleri jumys istep jatyr. Jol-kólik oqıǵasy jol erejesin buzý saldarynan bolýy múmkin.
QR Qylmystyq kodeksiniń 345-babynyń 4-bóligi boıynsha sotqa deıingi tergeý bastaldy. Onda kólik quraldaryn júrgizýshi tulǵalardyń jol qozǵalysy nemese kólik quraldaryn paıdalaný erejelerin buzý jaǵdaıy kórsetilgen», - dep habarlady Qyzylorda oblystyq óńirlik kommýnıkatsııalar qyzmeti.
Bul oqıǵa boıynsha tıisti saraptamalar taǵaıyndalǵan. Oqıǵanyń mán-jaıy anyqtalýda.
