Qyzylordadaǵy jol apaty: Balabaqsha kóligine 8 bala artyq otyrǵyzylǵan
QYZYLORDA. QazAqparat- Qyzylorda oblysynyń Tasbóget kentinde búldirshinder mingen «Gazel» kóligi aýdaryldy, dep habarlady QazAqparat.
Oqıǵa tańerteń saǵat 10-nyń kezinde bolǵan. Jol apaty Qyzylorda qalasyna qarasty Tasbóget kentindegi Abaı jáne Saparbaev kósheleriniń qıylysynda oryn aldy. "Eralash" jeke balabaqshasyna tıesili "Gazel" avtokóligi tańerteń balalardy úı-úılerinen jınap, balabaqshaǵa bara jatqan. Apat oryn alǵan sátte kóliktiń ishinde 21 búldirshin bolǵan. Balalardyń jeńil jaraqattar alǵanyn balabaqsha medbıkesi málim etti. Medıtsınalyq tekserýden keıin olar úılerine qaıtarylǵan.
Osyǵan oraı oblystyq bilim basqarmasy basshysy Baqytjan Saılybaev, Qyzylorda OІІD Jergilikti polıtsııa qyzmetiniń bastyǵy Baýyrjan Ibraev, OІІD ákimshilik polıtsııa basqarmasynyń bastyǵy Altynbek Ahmetov balabaqsha meńgerýshilerine jáne qyzmetkerlerine túsindirme jumystaryn júrgizdi.
«Balabaqsha kóliginiń óz talaptary bar. ıAǵnı kóliktiń boıaýy qanyq ári ashyq bolýy qajet. Tek balabaqsha kóligi degen jazýmen ǵana shektelmeý kerek. Kólik tóbesine maıak nemese túrli tústi aınalma jaryq ornatýdy qolǵa alamyz. Barlyq balabaqsha júrgizýshilerine túsindirme jumystaryn júrgizip, júrgizýshilerdi jáne kólikterdi zań talaptaryna saı tekseremiz. Jalpy jolaýshylar otyratyn oryndyqtarǵa balalarǵa arnalǵan arnaıy belqystyrǵyshtaryn ornatý kerek. Biz osyǵan deıin balabaqsha kólikterine ondaı talap qoıǵan joqpyz. Saldarynan osyndaı jaıtqa ushyrap otyrmyz. Onyń ústine, balabaqsha 13 oryndy «Gazelge» qosymsha oryndyqtar qoıyp, 21 balany tasymaldaǵan. Bul zańdy belden basqandyq», - dedi basqarma basshysy.
Sondaı-aq, oblystyq ІІD bergen málimetke súıensek, oqıǵanyń mán-jaıyn anyqtaý maqsatynda tekserý jumystary júrgizilýde.
