Qyzylordadaǵy ýnıversıtet vaktsına qabyldaǵandarǵa syılyqtar men joldamalar berdi
Osy oraıda Qorqyt Ata atyndaǵy Qyzylorda ýnıversıteti «Vaktsına alyp, utysqa qol jetkiz!» atty naýqanyn uıymdastyrdy. Atalǵan naýqanǵa bilim ordasynyń ekpe qabyldaǵan qyzmetkerleri men stýdentteri qatysty. Olarǵa túrli syılyqtar berilip, joldamalar syıǵa tartyldy.
Máselen, 30 stýdent QR Táýelsizdiginiń 30 jyldyǵyn merekeleýge joldama alsa, qyzmetkerler men stýdentter úshin «Seıhýn» sporttyq-saýyqtyrý kesheniniń basseınine 30 tegin abonement berildi.
Oǵan qosa stýdentter jazǵy lagerlerge 30 joldama alsa, qyzmetkerler men stýdentter úshin fıtnes zalǵa 30 tegin abonement josparlanǵan. Sondaı-aq, 30 stýdentke bir oqý jylyna jataqhanaǵa turýǵa 50% jeńildik berildi.
Sharada esimderi jazylǵan qatysýshylar loto jáshiginiń kómegimen kezdeısoq tásilmen anyqtaldy. Naýqan ýnıversıtettiń Instagram paraqshasyndaǵy tikeleı efır arqyly ótkizildi.
«Qazirgi tańda Qorqyt Ata atyndaǵy Qyzylorda ýnıversıtetinde qyzmetkerler men professor-oqytýshylardyń 87%, bilim alýshylardyń 51 % vaktsına alǵan. Jańa oqý jylyn offlaın formatta bastaý úshin ujymdyq ımmýnıtetti qalyptastyrý mańyzdy. Búkil álemdik pandemııany toqtatý úshin árbir adam ekpe alyp, sanıtarlyq talaptardy qatań saqtap, saqtyq sharalaryna asa kóńil bólýi qajet», - dedi ýnıversıtettiń áleýmettik jáne tárbıe jumystary jónindegi prorektory Jandos Bazartaı.
Esterińizge sala keteıik, buǵan deıin QR Bilim jáne ǵylym mınıstri Ashat Aımaǵambetovtiń tapsyrmasy boıynsha ýnıversıtetter bilim alýshylar men qyzmetkerler arasynda vaktsınatsııany qoldaýdy yntalandyrý sharalaryn ázirlegen.
Taıaýda vaktsına saldyrǵan JOO stýdentteri Ystyqkólge joldama utyp aldy.
