Qyzylordadaǵy sport mektebinde osy oqý ornynyń túlekteri - dzıýdo chempıondarymen kezdesý ótti
QYZYLORDA. QazAqparat - Alǵys aıtý kúnine oraı J.Bahadúr atyndaǵy Qyzylorda oblystyq sportta daryndy balalarǵa arnalǵan mektep-ınternatta respýblıkalyq, halyqaralyq jarystarda el mereıin asqaqtatyp júrgen sportshylarǵa qurmet kórsetildi. Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
Dzıýdodan jasóspirimder Olımpıada oıyndarynyń chempıony, jasóspirimder arasynda tuńǵysh Álem chempıony, osy ınternattyń túlekteri Baýyrjan Jaýyntaev pen dzıýdodan jastar arasynda Álem chempıony Maǵjan Shamshadınge alǵys hat pen estelik syılyqtar tabys etildi.
Mektep-ınternat dırektory Ishanbek Jumabaev sportshylarǵa alǵysyn aıtyp, aldaǵy dúbirli dodalarda árqashan jeńis tuǵyrynan kórinýlerine tilektestigin bildirdi.
