Qyzylordadaǵy «SKZ-U» mekemesiniń qyzmetkerleriniń 99 paıyzy vaktsına saldyrdy
Seriktestik elimizdegi ýran óndirýshi kompanııalardy kúkirt qyshqylymen qamtamasyz etedi. Óndiris ornynda 260 adam jumys isteıdi. Búginde kompanııanyń 3 qyzmetkeri ǵana densaýlyq jaǵdaıyna baılanysty ázirge ekpe saldyrmaǵan.
«Kúkirt qyshqyly zaýyty úzilissiz jumys istep tur. Sondyqtan qyzmetkerlerdiń qaýipsizdigi úshin ekpege qatysty sharalar keń aýqymda jáne keshendi túrde júrgizildi. Ekpe sharalary bastalǵan alǵashqy ýaqytta sanıtarlyq-epıdemıologııalyq sala mamandaryn zaýytqa arnaıy shaqyrttyq. Bastapqyda olarǵa qoıylǵan saýaldar az bolǵan joq. Dárigerler keńesinen keıin jumysshylar qabyldaı bastady», - dedi kompanııanyń óndiristik qaýipsizdik jónindegi bas tehnıkalyq jetekshisi Dúısen Shardarbekov.
Kompanııa tarapynan ekpe alǵan árbir qyzmetkerge eki kún demalys pen 15 myń teńge syıaqy berilgen.
Odan ózge ártúrli nomınatsııa taǵaıyndalyp, qyzmetkerlerge zattaı syılyqtar da tabystalǵan. Tipti zaýyttaǵy qyzmetkerler arasynda ózara jarys uıymdastyrylyp, nátıjesinde tolyq ekpe alǵan bólimder de bolǵan.
«Atalǵan sharalar qyzmetkerlerimizdi yntalandyrý úshin jasaldy. Mamandarǵa yńǵaıly bolý úshin medıtsına qyzmetkerleri vaktsınany zaýytqa kelip saldy. Jumysshylarǵa taǵy bir tıimdi tusy – olardyń aldynda birinshi komponentin jumysta, ekinshisin ózge jerde alamyn degen másele bolǵan joq. Sebebi vahtalyq ádispen bir aı jumys istegendikten eki komponentti de bir jerden aldy», -dedi kompanııa mamany.
Búginde «SKZ-U» JShS-da jumys isteıtin 260 qyzmetkerdiń 257-si birinshi komponentin, 253-i ekinshi komponentin saldyrǵan. Al qalǵan úsh qyzmetkerge dárigerler densaýlyǵyna baılanysty ázirge ruqsat bermeı otyr.
«Olar densaýlyǵy jaqsarǵan soń alatynyn aıtty. Jalpy qyzmetkerlerimiz ózderiniń ǵana emes ujymdastarynyń, sondaı-aq týǵan-týystarynyń densaýlyǵy úshin vaktsına alýdyń qanshalyqty mańyzdy ekenin jaqsy túsinedi. Vaktsına alýda belsendi bolýy da osy azamattyq ustanymyn kórsetedi», – dedi D. Shardarbekov.
Qyzylorda oblysy kásipkerler palatasynyń dırektory Ǵalymbek Jaqsylyqov óńirde ujymdar arasynda atalmysh máselege qatysty túsindirme jumystary turaqty júrgizilip jatqanyn aıtty. Búginge deıin oblysta kásipkerlik sýbektilerinde jumys isteıtin 14 myńǵa jýyq azamat vatsına saldyrǵan.
