Qyzylordadaǵy shyny zaýyty bıyl iske qosylady
QYZYLORDA. QazAqparat - Qyzylorda qalasynda salynyp jatqan shyny zaýytynyń qurylys-bıyl aıaqtalady, dep habarlaıdy QazAqparat tilshisi.
Bul týraly óńir basshysy ákimi Qyrymbek Kósherbaev oblystyq máslıhattyń kezekti sessııasynda aıtty.
Ákimniń sózine qaraǵanda, ınvestorlar arasyndaǵy problemalarǵa baılanysty qurylys merzimi kesheýildegen.
«Qytaıdyń shyny óndiretin zaýyt salýdan mol tájirıbesi bar transmemlekettik «Chaına Trıýmf» kompanııasy osy shyny zaýytynyń quryltaıshylar quramyna ótken aıdan bastap kirdi. Endi bul kompanııa joǵary tehnologııalyq zaýyt qurylysyna ınvestor retinde qatysyp, smartfondar men planshetterdi kún sáýlesinen qorǵaıtyn panelderine arnalǵan asa juqa jáne óte móldir shyny jasap shyǵarýdy kózdep otyr», - dedi ákim.
Aıta ketsek, jalpy quny 150 mıllıon AQSh dollaryn quraıtyn bul joba Qyzylorda oblysynyń ındýstrııalyq aımaǵynda júzege asyrylady. Ónim óndirýge qajetti shıkizat tolyqtaı jergilikti Saryshoqy ken ornynan jetkiziledi. Qosymsha qospalar Qazaqstannyń basqa oblystarynan, Reseıden, Qyrǵyzstannan jáne Ózbekstannan tasymaldanady.
