Qyzylordadaǵy saıajaı turǵyndaryna saqtyq sharalary týraly eskertildi
QYZYLORDA. QazAqparat- Syrdarııa ózeniniń Qyzylorda qalasy tusyndaǵy bóliginde sý deńgeıiniń kóterilý kezeńi jaqyndap keledi. Osyǵan oraı tótenshe jaǵdaılar salasynyń mamandary darııa jaǵalaýynda qonys tepken turǵyndarǵa úgit-nasıhat sharalaryn júrgizdi, dep habarlaıdy QazAqparat tilshisi oblystyq tótenshe jaǵdaılar departamentine silteme jasap.
Osy maqsatta Qyzylorda qalalyq tótenshe jaǵdaılar basqarmasynyń mamandary tıisti jumystardy atqardy. Oblys ortalyǵyndaǵy saıajaılardyń keıbiri darııaǵa jaqyn ornalasqan. Sondyqtan bul úı ıeleri qaýipsizdik sharalaryna nazar aýdarǵany artyq emes. Búginde darııa boıyndaǵy muz erip, seń qozǵala bastady. Sol sebepti darııadan keletin tosyn jaǵdaılarǵa saqadaı saı otyrý - negizgi mindettiń biri.
«Biz osy maqsatta «PMK-29», «KopES», «Drýjba», «Stroıtel», «ıAgodka», «Pışevık» saıajaılary jáne «Tańqaman» ýchaskesiniń turǵyndarymen qulaqtandyrý sharalaryn júrgizdik. Árbir isti jiti nazarda ustaǵanymyz artyq emes»,- deıdi Qyzylorda qalalyq tótenshe jaǵdaılar basqarmasynyń basshysy Erbol Álisherov.
Іs-shara barysynda turǵyndarǵa saqtyq sharalary men sý basý qaýpi týyndaǵan jaǵdaıda atqaratyn is-áreketter týraly túsindirme jumysy júrgizildi. Jadynamalar men kitapshalar taratyldy.
Ádilet QAŃTARBAEV.
