Qyzylordadaǵy munaı kompanııasyna 27 mln. teńgeden astam somaǵa aıyppul salyndy
QYZYLORDA. 9 maýsym. QazAqparat - Qyzylorda qalasyndaǵy «QýatAmlonMunaı» kompanııasy sot arqyly 27 021 641 teńge aıyppul tóleý jazasyna tartyldy, dep habarlady oblystyq sot aktilerin oryndaý departamentiniń baspasóz qyzmetinen.
Buǵan oblystyq salyq departamenti júrgizgen keshendi tekserýler barysynda anyqtalǵan buzýshylyqtar negiz boldy. Atap aıtqanda, «QýatAmlonMunaı» SP JShS 2007 jyldyń 1 qańtarynan 2008 jyldyń 31 jeltoqsanyna deıingi aralyqta deklaratsııalarǵa kiris-shyǵys týraly burmalanǵan málimetter engizip, iri kólemde ákimshilik quqyq buzýshylyq jasaǵan bolyp shyqty.
Osyǵan sáıkes, qalalyq mamandandyrylǵan ákimshilik soty seriktestiktiń isin qarap, memleket paıdasyna 27 021 641 teńge aıyppul óndirý týraly ókim shyǵardy.
