Qyzylordadaǵy mııa zaýyty alǵashqy ónimin bere bastady
QYZYLORDA. QazAqparat - 2013 jyly memlekettik qoldaýdyń arqasynda Qyzylordada mııa zaýyty ornalasatyn 8,75 gektar jer bólinse, kelesi jyly qyzyl mııa egýge 6 myń gektar jer berildi. Bul týraly QazAqparat HAA tilshisi habarlady.
Ras, alǵashqy synama ónim alý kezinde keıbir qondyrǵylardyń jetispeýshiligi baıqaldy. Bul qytaılyq áriptesterdiń zaýyttan qondyrǵylardy jetkizý kezinde jiberilgen qatelik bolatyn. «Bıs grýpp» JShS men qytaılyq «Borıhýnda» kompanııasy arasyndaǵy bir jarym jylǵa sozylǵan kelisim negizinde zaýyt jumysy qaıta qolǵa alyndy.
Bıylǵy jyl basynan beri zaýyttan 20 tonna alǵashqy ónim Qytaı eline jóneltildi. Búginde zaýytta 50 adam jumys istep jatyr.
