Qyzylordadaǵy gıdrotehnıkalyq qurylǵylardyń rekonstrýktsııasy kúrish pen basqa da aýyl sharýashylyǵy daqyldarynyń ónimdiligin joǵarlatty
ASTANA. 4 qyrkúıek. QazAqparat - QR Aýyl sharýashylyǵy mınıstri Asyljan Mamytbekov Qyzylorda oblysyna is-sapar sheńberinde birqatar aýyl sharýashylyǵy nysandaryn aralady. Bul týraly AShM baspasóz qyzmeti habarlaıdy.
Kúrish jáne basqa da aýyspaly egistiń sýarmaly alqap kólemi 28500 ga quraıtyn Jańaqorǵan aýdanyndaǵy Kelintóbe magıstral kanalynyń rekonstrýktsııasy, sý bólý jáne avtomatty sý esepteý júıelerin engizgen Toǵysken eldi mekeni jáne oblys ortalyǵynda ornalasqan Qyzylorda gıdrotoraby. Osy nysandardyń barlyǵy aýyl sharýashylyǵy jerlerin vegetatsııalyq kezeńde sýmen qamtamasyz etýdi, sondaı-aq kúrish pen basqa da aýyl sharýashylyǵy daqyldarynyń ónimdiligin joǵarlatýǵa múmkindik berdi.
Oblys ortalyǵynda QR Aýyl sharýashylyǵy mınıstrligi janyndaǵy keńes berýshi alqaly organ - Іskerlik keńestiń kúrish salasyn qoldaý jónindegi otyrysy ótti. Memleket tarapynan kúrish ósirý salasyn qoldaýǵa kóp kóńil bólinip otyrǵandyǵyn atap ótý qajet. Sońǵy 5 jylda kúrish ósirý salasyna barlyǵy 14,4 mlrd.teńge jumsalsa, sýarmaly jerlerdi qalpyna keltirýge - 4,6 mlrd.teńge, al 1 ga kúrishti ósiýge ketken shyǵyndardy sýbsıdııalaýǵa - 6,7 mlrd. teńge bólingen. Ústimizdegi jyly kúrishtiń 1 gektaryna beriletin sýbsıdııa mólsheri bólinetin bıýdjet qarjysynyń shekteýliligine baılanysty respýblıka boıynsha ortasha 15,8 myń teńge nemese óndirýge jumsalǵan shyǵyndardyń 10% kóleminde bolyp otyr. Qyzylorda oblysy boıynsha sýbsıdııa 18 myń teńgege deıin joǵaryldy. Desekte, qabyldanyp jatqan is-sharalarǵa qaramastan salanyń tehnologııalyq jańǵyrtylý qarqynynyń tómendeýi, sýarmaly jerler men sýarý júıesiniń qanaǵattanǵysyz melıoratıvtik jaǵdaıy jáne t.b. máselelermen baılanysty ahýal bar.
Jınalysqa qatysýshylar salada qalyptasqan máselelerdi talqylap, salanyń Qazaqstannyń Kedendik odaqqa kirgeni jáne alda turǵan Dúnıejúzilik saýda uıymyna kirýi jaǵdaıyndaǵy tıimdiligi men básekege qabilettiligin arttyrý boıynsha usynystar ázirledi.
Kúrish salasyn qoldaý jónindegi ótken jınalys qorytyndysy boıynsha birqatar sheshimder qabyldandy.
