Qyzylordadaǵy blok bekette avtokólikten asa iri kólemde esirtki tabyldy

QYZYLORDA. QazAqparat - Qyzylordada blok beketten ótpek bolǵan avtokólikten asa iri kólemde esirtki tabyldy, dep habarlaıdy QazAqparat tilshisi.

Qala aýmaǵyndaǵy blok bekette «Honda Odyssey» markaly avtokóligi toqtatyldy. Ony tekserý barysynda avtokóliktiń júk salǵyshynan 1,5 kelige jýyq «marıhýana» esirtki zaty anyqtaldy. «Kúdikti ýaqytsha ustaý ızolıatoryna qamaqqa alyndy.

Qazirgi ýaqytta QR Qylmystyq kodeksiniń 296-babynyń 4-bóligimen sotqa deıingi tergep-tekserý júrgizilýde. Onda asa iri kólemde esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý jaǵdaıy kórsetilgen», - dep málim etti Qyzylorda oblystyq polıtsııa departamentinen.

Polıtsııa málimetinshe, is boıynsha tergeý jalǵasýda. Ózge málimetter tergeý qupııasyn saqtaý maqsatynda jarııalanýǵa jatpaıdy.

Eske salsaq, Qyzylorda oblysynda qoǵamdyq qaýipsizdikti saqtaý maqsatynda 28 blok beket qoıyldy.