Qyzylordadaǵy «Birge – TazaQazaqstan» ekologııalyq aktsııasyna 7 myń adam qatysty
2019 jyly 20 shildede QR Úkimetiniń basshysy Asqar Mamınniń bastamasymen qolǵa alynǵan «Birge - Taza Qazaqstan» ekologııalyq aktsııasy Qyzylorda oblysynda ár apta saıyn ótkizilip keledi. Búgin Qyzylorda qalasynda ótken ekologııalyq aktsııaǵa oblys ákimi Qýanyshbek Ysqaqov qatysty.
Esterińizge salaıyq, alǵashqylardyń biri bolyp aktsııaǵa Qyzylorda oblysy qoldaý bildirgen bolatyn. Syr óńirindegi ekologııalyq aktsııa Aral aýdanyndaǵy Kókaral bógetiniń janyn tazartýdan bastaldy.
Aýdanǵa arnaıy saparmen barǵan Aoblys ákimi Qýanyshbek Ysqaqov estafetany óńirdiń barlyq aýdandary men eldi mekenderine joldaǵan edi.
Búgingi aktsııaǵa oblystyq mekemeler, jastar jáne úkimettik emes uıym ókilderi qatysty. Oblys ortalyǵynda Syrdarııa ózeniniń jaǵalaýynan qutqarý mekemesi aralyǵyndaǵy aýmaq qoqystan tazartyldy. Bul aýmaqtyń jalpy uzyndyǵy 8 shaqyrymǵa jýyqtaıdy. Aktsııaǵa 7 myńǵa jýyq adam atsalysty.
Aktsııany ár senbi saıyn kúz aıyna deıin jalǵastyrý josparlanýda. Shara aıasynda qatysýshylar tarapynan jaqyn mańda ornalasqan turǵyn úı ıelerine qoqystardy beı-bereket tastamaý jóninde túsindirme jumystary da júrgizilip jatyr.
