Qyzylordadaǵy bılbordtarǵa UOS batyrlarynyń sýretteri qoıyldy
QYZYLORDA. QazAqparat - 9 mamyr qarsańynda Qyzylorda qalasynda Jeńis kúnin jaqyndatqan batyrlar, atap aıtqanda Syr boıynan shyqqan Keńes Odaǵynyń Batyrlary nasıhattalýda.
Qalanyń ortalyq Jibek joly kóshesinde batyrlardyń sýreti men aty-jóni jazylǵan nasıhattyq bılbordtar ornalastyrylyp, búgingi jas urpaqqa tanystyrylýda. Bul týraly qalalyq ishki saıasat bóliminiń basshysy Baldyrǵan Mámen habarlady.
Aıta ketý kerek, Qyzylorda oblysynan 20 Keńes Odaǵynyń batyry, 1 «Dańq» ordeniniń tolyq ıegeri shyqqan. Qazir Qyzylorda qalasynda barlyǵy 54 Uly Otan soǵysynyń ardageri bar. Onyń 19-y - UOS múgedegi, 35-i - UOS qatysýshylary.
Soǵys jáne eńbek ardagerlerine áleýmettik qoldaýlar jalǵasyn tabýda. Bul maqsatqa jergilikti bıýdjetten bir jolǵy kómek retinde barlyǵy 185,0 mln teńge bólindi.
Sondaı-aq, Jeńis merekesi qarsańynda qaladaǵy «Taǵzym alańy» qaıta jańǵyrtýdan ótti.
