Qyzylordadaǵy An-2 áýe oqıǵasyna qatysty jańa derekter jarııalandy
NUR-SULTAN. QazAqparat - QR Indýstrııa jáne ınfraqurylymdyq damý mınıstrligi An-2 áýe oqıǵasyna qatysty jańa derekterdi jarııalady, dep habarlaıdy QazAqparat tilshisi.
«Delta-ıÝg» JShS ushý qaýipsizdigi jónindegi ınspektorynan alynǵan aqparat boıynsha áýe kemesi jerge tolyq qonyp, toqtaǵannan keıin turaqqa burylmaq bolǵan kezde kenet jel turyp, ushaq alǵa qaraı aýyp ketken», - delingen mınıstrliktiń habarlamasynda.
Vedomstvonyń málimetine qaraǵanda, ushaq ekıpajy eshqandaı zardap shekpegen. 3 maýsym kúni ekıpaj atalmysh ushaqpen Shymkenttegi turaqty aılaqqa ushyp ketken.
Aldyn ala málimet boıynsha, «Delta-ıÝg» JShS atalmysh oqıǵa týraly tıisti oryndarǵa habarlamaǵan.
«Qazaqstan Respýblıkasy Investıtsııalar jáne damý mınıstriniń 2017 jylǵy 27 shildedegi № 505 buıryǵymen bekitilgen azamattyq jáne eksperımenttik avıatsııadaǵy avıatsııalyq oqıǵalar men ıntsıdentterdi tekserý qaǵıdalaryna sáıkes, atalmysh oqıǵa avıatsııalyq ıntsıdent retinde tirkeledi. Mınıstrliktiń avıatsııalyq oqıǵalar men ıntsıdentterdi tekserý jónindegi komıssııasy oqıǵanyń mán-jaıyn tekseretin bolady», - delingen resmı aqparatta.
Budan buryn «Delta-ıÝg» JShS Qyzylorda oblysynda bolǵan áýe oqıǵasyn jasyryp qalǵany habarlanǵan bolatyn.
