Qyzylordadaǵy 5 qabatty turǵyn úıdiń shatyryn jel ushyryp ketti
QYZYLORDA. QazAqparat - Qyzylorda qalasynda bes qabatty turǵyn úıdiń shatyry ushyp ketti, dep habarlaıdy QazAqparat tilshisi.
«Oqıǵa 28 qarashada saǵat 13.41 shamasynda bolǵan. Odan zardap shekkender joq. Oblys turǵyndarynan qolaısyz aýa raıyna oraı kóshede júrgende júris-turys erejesin saqtaýdy, barynsha saq bolýdy suraımyz», - dedi oblystyq tótenshe jaǵdaılar departamentinen.
Eske salsaq, budan buryn 27 qarashada Qyzylorda oblysy Jalaǵash kentinde qatty jeldiń áserinen №201 mektep-lıtseıdiń shatyry ushyp ketti.
Aýdan ákimdiginiń habarlaýynsha, 28-30 qarasha aralyǵynda mekteptegi sabaq toqtatylǵan.
Foto: gov.kz
