Qyzylordadada 26 mln teńgeniń asyl buıymdaryn urlap ketti
ASTANA. QazAqparat - Qyzylorda qalalyq Іshki ister basqarmasy qyzmetkerleriniń júrgizgen izdestirý sharalary barysynda jalpy quny 26 mln. 180 myń teńgeni quraıtyn altyn jáne gaýhar tastardan jasalǵan buıymdardy urlaǵan 2 azamat qolǵa tústi.
Bul týraly Qyzylorda oblysynyń ІІD baspasóz qyzmeti habarlady.
Oqıǵa 2017 jylǵy 30 qańtar kúni bolǵan. 22 jáne 23 jastaǵy 2 azamat aldyn ala sóz baılasa otyryp, saýda úıiniń plastık terezesin syndyryp altyn buıymdar satatyn dúńgirshekke kirgen. Olar jalpy quny 26 180 000 teńgeni quraıtyn altyn jáne brıllıant buıymdardy urlap, oqıǵa ornynan boı tasalaǵan.
Alaıda ekeýi de ustalyp, QІІB-niń ýaqytsha ustaý oqshaýlaǵyshyna qamaldy.
Qazirgi tańda olarǵa qatysty Qazaqstan Respýblıkasy Qylmystyq kodeksiniń 188-baby 4-bóligi negizinde qylmystyq is qozǵalyp, sotqa deıingi tergep-tekserý amaldary júrgizilýde.
