Qyzylordada jyraý Bazar Ońdasynulynyń 175 jyldyǵyna arnalǵan jyraýlar saıysy ótti
QYZYLORDA. QazAqparat - Qarmaqshy aýdanyndaǵy Kósheneı Rústembekov atyndaǵy «Jyraýlar úıinde» dańǵaıyr jyraý, Syr súleıi Bazar Ońdasulynyń týǵanyna 175 jyl tolýyna oraı "Jamıǵy qazaq bir týǵan" atty oblystyq jyrshy-jyraýlar baıqaýy ótti, dep habarlady QazAqparat HAA tilshisi oblystyq mádenıet basqarmasyna silteme jasap.
Qart Qarataýdan, aıdyndy Aral óńirine deıingi aımaqtan jınalǵan jyrshylar ónerine Almas Almatov, Bıdas Rústembekov, Maıra Sársenbaevalar qazylyq etti.
Syr súleıleriniń kóshin bastaǵan sańlaq jyraý murasyn nasıhattaýǵa arnalǵan óner dodasynda qazylar sheshimimen bas júlde Ádilhan Qýańbaevqa berildi, birinshi oryndy Erkebulan Shyńjanov alsa, ekinshi oryn júldesi Bolat Baımuratovqa tabystaldy. Álı Erseıit úshinshi orynǵa kóterildi.
Baıqaýda jyraýlar atyndaǵy júldeler de tabystaldy. "Jıenbaı jyraý" atyndaǵy arnaıy júlde - Qýanysh Alǵazıevke, "Dúr Ońǵar" atyndaǵy arnaıy júlde Amandyq Japparberdıevke buıyrdy. Al Bolat Rsalıev, Farıza Hasenova, Aqsuńqar Búrkitbaı, Meıirimjan Mahambetjanovtarǵa arnaıy Alǵys hat tabys etildi.
