Qyzylordada jyljymaly brıgadalar aýyldarda KVI-ge qarsy vaktsına salyp jatyr
QYZYLORDA. QazAqparat - Qyzylorda oblysynda jyljymaly egý brıgadalary halyqqa qoljetimdi jerlerde jáne shalǵaı aýyl-aımaqtardy aralap koronavırýsqa qarsy vaktsına salý isin bastady, dep habarlaıdy QazAqparat tilshisi.
Qyzylorda oblysynda búginge deıin koronavırýsqa qarsy ekpeni 77751 adam saldyrdy. Al ekinshi dozasyn 20901 adam qabyldady.
«Óńirde otandyq jáne sheteldik ǵalymdardyń jasaǵan ekpeleriniń qory jetkilikti. Sondaı-aq, jyljymaly egý brıgadalary halyqqa qoljetimdi jerlerde jáne shalǵaı aýyl-aımaqtardy aralap vaktsına salýda. Qazir óńirde epıdemıologııalyq ahýal turaqtalyp keledi. Qalypty ómirge qaıta oralý úshin saqtyq sharasyna mán berip, ekpe saldyraıyq», - dedi oblystyq densaýlyq saqtaý basqarmasynyń basshysy Sábıt Pazılov.
Sońǵy táýlikte oblysta koronavırýs ınfektsııasyn 24 adam juqtyrdy. Qazir aımaq boıynsha ınfektsııalyq statsıonarda 392 naýqas, reanımatsııalyq bólimde 44 naýqas em qabyldaýda.
Eske salsaq, Qyzylorda oblysynda jyl basynan 2,9 myń adam koronavırýs juqtyrdy.
