Qyzylordada jylyjaı óndirisi damyp keledi
QYZYLORDA. QazAqparat - Qyzylorda oblysynda jylyjaı óndirisi damyp keledi. Syr óńirindegi jylyjaıǵa qarasty 7 gektardan astam alqaptan byltyr 385 tonnadan astam ónim jınalǵan, dep habarlaıdy QazAqparat tilshisi.
Olardyń basym bóligi Qyzylorda qalasy aýmaǵynda oryn tepken. Oblys ortalyǵynda barlyǵy 122 jylyjaı bar. Qazirgi tańda olardyń 52-i jumys júrgizip keledi. Solardyń qatarynda sanalatyn «Natıshaeva» jáne «Orda» sharýa qojalyǵy byltyr 100 tonnadan astam ónim alǵan.
Sondaı-aq, bul baǵytta Shıeli aýdanynda da ońdy ister atqarylyp otyr. Aýdanda 20-ǵa jýyq kásipker birigýiniń nátıjesinde kókónis ósiretin jylyjaı keshenin salýdy josparlap otyr. Onyń aýmaǵy 2 gektardy quraıdy. Atalmysh jylyjaı kesheninde jylyna 60 tonna ónim jınaý josparlanyp otyr.
Budan buryn Qyzylorda oblysynda ıspanııalyq tehnologııamen qyzanaq ósiretin jylyjaı iske qosylatynyn habarlaǵan edik.
