Qyzylordada jylý maýsymyna daıyndyq júrgizilýde
QYZYLORDA. QazAqparat - Qyzylorda oblysynda áleýmettik nysandardyń jylý maýsymyna daıyndyǵy joǵary deńgeıde júrgizilýde, dep habarlaıdy QazAqparat tilshisi.
Búginde aımaqtaǵy bilim berý uıymdarynyń 80,2, densaýlyq saqtaý nysandarynyń 75,3, mádenıet salasyna qarasty mekemelerdiń 74,6 paıyzynda kishi qazandyqtar jóndeýden ótip, jylý berýge daıyn tur.
Jylý maýsymyn úzdiksiz jáne sapaly ótkizý maqsatynda «Qyzylordajylýelektrortalyǵy» kásiporynnyń №9 qazandyǵyn, №3 týrbogeneratordyń bólshekterin aýystyrý, týrbınalyq qyzmettiń tehnologııalyq qubyrlaryn jóndeý jumystary júrgizilýde.
«Aıta ketsek, «KazTransGazAımaq» AQ-nyń Qyzylorda óndiristik fılıaly tarapynan aldaǵy jylý berý maýsymyna daıyndyq júrgizý úshin 50 dana GRP men 208 dana ShRP-ǵa aǵymdaǵy jóndeý júrgizý qolǵa alynyp, bul jumystar 80% oryndalǵan. Aldaǵy jylý maýysymyna daıyndyq bekitilgen josparǵa sáıkes júrgizilýde», - dedi oblystyq energetıka jáne turǵyn úı-kommýnaldyq sharýashylyq basqarmasy basshysynyń mindetin atqarýshy Erlan Jolamanov.
Onyń aıtýynsha, jylý berý kezeńinde oblystaǵy áleýmettik nysandar 33 myń tonna kómir men 25 myń tonna dızel otynyn tutynatyn bolsa, turǵyndarǵa jospar boıynsha 140,4 myń tonna kómir otyny qajet. Qazirgi tańda qajetti otyn kólemin jetkizýshi mekemelermen kelisim shart jasalyp, kezeń-kezeńimen jetkizilýde.
Eske salsaq, Qyzylorda oblysynda tsıfrlandyrý baǵytynda aýqymdy jumystar atqarylýda.
