Qyzylordada jylý baǵasy qymbattaıdy
QYZYLORDA. QazAqparat - Qyzylorda qalasynda jylý tarıfi qymbattaıdy, dep habarlaıdy QazAqparat tilshisi.
Qyzylorda oblysynyń tabıǵı monopolııalardy retteý jáne básekelestikti qorǵaý departamentiniń mamandary bul aqparatty rastady. Olardyń aıtýynsha, oblys ortalyǵynyń turǵyndary jylý aqysyna burynǵydan 1,6 protsentke qymbat tóleıtin bolady. Dálirek aıtqanda, árbir sharshy metrine 1 teńge 75 tıyn qosylyp otyr.
Aıta keteıik, Qyzylorda qalasynda jylytý maýsymy aýa raıyna baılanysty qazan aıynyń ortasynda ne qarashanyń basynda bastalady. Al jańa tarıfter tek eseptegish qurylǵylary joq azamattarǵa qatysty bolady.
«Tarıfke ózgerister engizýge sebepter bar. Bıylǵy shilde aıynan bastap gaz baǵasy 6,3 protsentke qymbattady. Endigi kezekte, jylý esepteıtin qurylǵysy joq azamattar ár sharshy metrine 111 teńge 33 tıyn tóleıdi. Ol buryn ár sharshy metri úshin 109 teńge 79 tıyndy quraıtyn», - deıdi Qyzylorda oblysynyń tabıǵı monopolııalardy retteý jáne básekelestikti qorǵaý departamenti basshysynyń mindetin atqarýshy Gúlmıra Ótegenova.
«Qyzylorda jylý-elektr ortalyǵy» energııanyń 60 protsentin kógilder otynnan alady.
Qalǵan shyǵyndar ózgerissiz qaldy. Mamandardyń aıtýynsha, aýyz sý jáne elektrmen jabdyqtaý qyzmetiniń aqysy ózgermeıdi.
