Qyzylordada jyl basynan beri kene shaqqandar ótken jylǵydan 2 ese kóp

QYZYLORDA. QazAqparat - Qyzylorda oblysynda jyl basynan beri kene shaqqan 225 adam medıtsınalyq kómekke júgingen. Bul ótken jyldyń osy merzimimen salystyrǵanda 2 esege kóp, dep habarlaıdy QazAqparat tilshisi.

Bıylǵy jyldyń 5 aıynda asa qaýipti Kongo-Qyrym gemorragııalyq qyzbasyna baılanysty 4 yqtımal jaǵdaı tirkeldi. Onyń 1-eýi epıdemıologııalyq, klınıkalyq jáne zerthanalyq jolmen naqtylandy. Qalǵan 3-i dıagnozy zerthanalyq qorytyndylarynyń teris bolýyna baılanysty ózgertildi. Byltyr keneden juǵatyn atalǵan aýrýdan 12 adamnan anyqtalǵan bolatyn.

«Sáýir aıynan bastalǵan kenege qarsy zalalsyzdandyrý jumystarynyń birinshi kezeńi 4 maýsymda aıaqtalady dep josparlanǵan. Júrgizilgen monıtorıng kenege qarsy óńdeý jumystarynyń tıimdiligi 95 paıyzdan joǵary deńgeıde ekendigin kórsetti», - dep málim etti Qyzylorda oblystyq sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaeva.

Búgingi kúni oblys boıynsha Kongo-Qyrym gemorragııalyq qyzbasyna qatysty medıtsınalyq mekemelerde men aýyratyn naýqastardy emdeýge arnalǵan vırýsqa qarsy preparattar jetkilikti. Sondaı-aq, ımmýndy plazma, qajetti dári-dármekter, qan jáne qan almastyrǵyshtar, qorǵanys zattary, zalalsyzdandyrý zattary jáne ózge de qajetti qural-jabdyqtar qory jasaqtalǵan.

Eske salsaq, Qyzylorda oblysynda bıyl dermatomıkoz aýrýyna shaldyqqandar kóbeıdi .